Հանդիպում՝ ԱՄՆ ՄԶԳ «Հարավային Կովկասի տարածաշրջանային ջրային ռեսուրսների կառավարում» ծրագրի շրջանակներում

10/04/2024

ԱՄՆ ՄԶԳ Հարավային Կովկասի տարածաշրջանային ջրային ռեսուրսների կառավարում (ՀԿՏՋՌԿ) ծրագրի շրջանակներում ապրիլի 5-ին տեղի ունեցավ առցանց հանդիպում ՀՀ շրջակա միջավայրի նախարարության «Հիդրոօդերևութաբանության և մոնիթորինգի կենտրոն» ՊՈԱԿ-ի և Վրաստանի շրջակա միջավայրի ազգային գործակալության (National Environment Agency) ներկայացուցիչների միջև, որին մասնակցում էին նաև ԱՄՆ ՄԶԳ ՀԿՏՋՌԿ ծրագրի ներկայացուցիչները՝ Հայաստանի և Վրաստանի գրասենյակներից։ 

Հանդիպման նպատակն էր քննարկել երկու երկրների համապատասխան կառույցների միջև համագործակցության խորացման հնարավորությունները։ 

Հանդիպման ընթացքում նախանշվեցին համագործակցության ընդլայնման հետևյալ առաջնահերթությունները՝ 

• տվյալների փոխանակում, 
• ստորերկրյա ջրերի մոնիթորինգ, 
• մակերևութային ջրային ռեսուրսների քանակական և որակական մոնիթորիգ,
• հիդրոօդերևութաբանական կանխատեսումների վերաբերյալ փորձի և տվյալների փոխանակում,
• վաղ նախազգուշացման համակարգերի ներդնում։

Հանդիպման ավարտին կողմերը փաստեցին, որ ԱՄՆ ՄԶԳ ՀԿՏՋՌԿ ծրագիրը կարող է արդյունավետ հարթակ լինել համագործակցության հետագա խորացման համար։