ՀՀ ՇՄՆ «Հայհիդրոմետ» ՊՈԱԿ-ի «Աշխարհատեղեկատվական համակարգերի և հեռազննման ծառայության գլխավոր մասնագետ»-ի թափուր հաստիք
26/03/2024
Աշխատանքային պայմաններ՝ մշտական
Աշխատանքի վայրը՝ ք.Երևան
Աշխատավարձը՝ 240000 ՀՀ դրամ
Աշխատանքային ժամեր՝ 09:00-18:00
Սահմանված պահանջներ՝
- Ունենալ քարտեզագրություն և կադաստրային գործ, կամ աշխարհագրություն, կամ կենսաբանություն, կամ հողագիտություն մասնագիտությունների գծով բարձրագույն կրթություն և երեք տարվա ոլորտային աշխատանքային ստաժ,
- Համակարգչային ծրագրերի իմացություն, տվյալների բազայի հետ աշխատելու հմտություն,
- Ունենալ համակարգչային տեխնիկայի հետ աշխատելու հմտություն, համացանցից օգտվելու կարողություն, տիրապետել ԱՏՀ և ՀԶ մեթոդներով աշխատելու համակարգչային ծրագրերին.
- Ունենալ իր լիազորությունների հետ կապված իրավական ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն,
- Անթերի տիրապետել հայոց լեզվին։
Պարտականություններ՝
- Իրականացնել hիդրոօդերևութաբանական տարրերի ու պրոցեսների և շրջակա միջավայրի բաղադրիչների մոնիթորինգ աշխարհատեղեկատվական համակարգերի և հեռազննման մեթոդներով։
- ԱՏՀ և ՀԶ մեթոդներով ուսումնասիրել անտառների, օդերևութաբանության, հիդրոլոգիայի, թափոնների ոլորտները, աջակցել խնդիրների բացահայտմանն ու վերլուծման աշխատանքներին։
- Ուսումնասիրել շրջակա միջավայրին առնչվող կադաստրի վարման և հաշվառման նյութերը։
- Իրականացնել տարածական կոորդինատավորված տվյալների հավաքագրում, մշակում, վերլուծություն, վերծանում, տվյալների հիմնապահեստի ստեղծում և պահպանում, քարտեզագրական նյութերի տարածում։
- Կատարել ծառայության պետի կողմից հանձնարարված աշխատանքներ,
- Իրականացնել ծառայության կանոնակարգով նախատեսված այլ գործառույթներ,
- Կրել պատասխանատվություն իր գործառույթների ապահովման, օրենքով սահմանված կարգով գույքային պատասխանատվության, իր մեղքով կազմակերպությանը պատճառված վնասի համար։
Ինքնակենսագրությունը (CV-ին) կարող եք ուղարկել հետևյալ էլեկտրոնային հասցեին` hmc@env.am, վերնագիր բաժնում նշելով` ՇՄՆ «Հայհիդրոմետ» ՊՈԱԿ-ի «Աշխարհատեղեկատվական համակարգերի և հեռազնման ծառայության գլխավոր մասնագետ»- ի թափուր հաստիք։
Դիմելու վերջնաժամկետը՝ ապրիլի 22, ժամը 18:00:
