AM RU EN

ԼՈՒՐԵՐ

Դեկտեմբերի 1-գործակարգավարական խորհրդակցություն ՊՈԱԿ-ում

01/12/2021

Դեկտեմբերի 1-ին ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ում կայացավ հերթական ընդլայնված գործակարգավարական խորհրդակցությունը, որին մասնակցում էին նաև մասնագիտական ծառայությունների պետերը:
Մասնավորապես, անդրադարձ եղավ Քովիդ 19-ի դեմ պատվաստումների և ՊՇՌ թեստավորման վերաբերյալ դեկտեմբերի 1-ից գործողության մեջ մտած օրենսդրական նոր կարգավորումների պահանջների պահպանման վերահսկողությանը:
Տնօրենի ժ/պ Ազիզյանը հանձնարարեց յուրաքանչյուրին իր համակարգման ոլորտում՝ սահմանել խիստ հսկողություն 2021 թ դեկտեմբերի 1-ից գործողության մեջ մտած օրենսդրական նոր կարգավորումների պահանջների պահպանման ուղղությամբ կապված պատվաստումների և ՊՇՌ թեստավորման հետ։
Հանձնարարվեց ՊՈԱԿ-ի գործառույթներից ելնելով՝ հսկողության տակ առնել մառախուղների հետ կապված հորիզոնական տեսանելության խնդիրը և անհրաժեշտության դեպքում անհապաղ տալ հաղորդում։
Քննարկվեց ՀՀ կառավարության 2021թ. նոյեմբերի 18-ին «ՀՀ կառավարության 2021-2026թթ. գործունեության միջոցառումների ծրագիրը հաստատելու մասին» N 1902-Լ որոշման ՊՈԱԿ-ին վերաբերող միջացառումները:
Տնօրենի ժ/պ-ն հանձնարարեց սահմանել դրանց պատասխանատուներին և կատարման ժամկետները:
Քննարկվեց նաև ՀՀ պետական բյուջեյի միջոցների հաշվին ճառագայթային մոնիթորինգի տեխնիկական կարողությունների զարգազման ուղղված սարքերի ձեռքբերման ընթացիկ վիճակը և տնօրենի ժ/պ Ազիզյանը հանձնարարեց սկսել նաև դրանց հետ կապված համակագիչների գնման ընթացակարգի մրցույթը: