14/04/2021
«ՀՄԿ» ՊՈԱԿ-ի աշխատակիցներն ապրիլի 13-ին մասնակցեցին IG3IS-ի (Ջերմոցային գազերի ինտեգրված, գլոբալ, տեղեկատվական համակարգ) «Շահագրգիռ կողմերի խորհրդատվություն. hողօգտագործում, հողօգտագործման փոփոխություն, անտառային տնտեսություն» թեմայով քննարկմանը:
IG3IS-ը մոդելավորմամբ և վերլուծությամբ համատեղում է մթնոլորտային օդում ջերմոցային գազերի կոնցենտրացիայի չափումները մարդկային գործունեության տվյալների հետ՝ օգնելով որոշումներ կայացնողներին ավելի նպատակային գործողություններ ձեռնարկելու՝ ջերմոցային գազերի արտանետումները և աղտոտիչները նվազեցնելու համար, որոնք վատացնում են օդի որակը: Իսկ ածխածնի չեզոքացման համար պայքարում կարևոր է, որ մեղմացնող քաղաքականությունն ու ներդրումները արդյունավետորեն նվազեցնեն արտանետումները, հետևաբար, մոնիթորինգը անփոխարինելի քայլ է ոչ միայն մեղմացնող գործողությունների հաջողությունը երաշխավորելու, այլ նաև կլիմայի փոփոխության դեմ պայքարի ակտիվ ֆինանսավորումն ապահովելու համար:
Այս հանդիպումը խորհրդատվությունների շարքի երկրորդ մասն էր, որը մեկ հարթակում միավորեց ոչ միայն պետական սեկտորի ներկայացուցիչներին, շահագրգիռ կողմերին, այլ նաև ոլորտով մտահոգ գիտնականներին և քաղհասարակությանը։
Քննարկվեց, թե ինչպես կարելի է տարբեր երկրներում և քաղաքներում ընդլայնել IG3IS-ի ոլորտային շրջանակը։
📍 Հանդիպման պանելային քննարկմանը ելույթով հանդես եկավ «ՀՄԿ» ՊՈԱԿ-ի տնօրենի տեղակալ Գայանե Շահնազարյանը՝ ներկայացնելով Հայաստանի Հանրապետությունում «Հողօգտագործման, հողօգտագործման փոփոխության և անտառային տնտեսության (LULUCF)» հետ կապված առաջացած արտանետումների տվյալների առկայության և դիտարկումների վրա հիմնված մեթոդներով տեղեկատվության համալրման հնարավորությունների մասին:
IG3IS ծանոթանալու համար կարող եք անցնել հետևյալ հղումով՝ https://ig3is.wmo.int/en :
