19/07/2024
«Օդի աղտոտվածության մակարդակով ապրող մարդկանց թիվը անցյալ տարվա 119 միլիոնից այսօր հասել է 131 միլիոնի», -ասվում է Թոքերի ամերիկյան ասոցիացիայի «Օդի վիճակը» զեկույցում:
🇺🇸 Թոքերի ամերիկյան ասոցիացիայի հետազոտողները վերլուծել են ԱՄՆ Շրջակա միջավայրի պահպանության գործակալության (EPA) օդի որակի տվյալները: Ուսումնասիրվել է օզոնի միջին ժամային և կախված մասնիկների միջին օրական կոնցենտրացիաներով աղտոտվածությունը 2020-2022 թթ.:
Հետազոտողները օգտագործել են EPA-ի կողմից թարմացված օդի որակի ազգային ստանդարտը՝ կախված մանր մասնիկներով աղտոտվածության ողջ տարվա մակարդակը որոշելու համար:
Զեկույցում նշվում է, որ Միացյալ Նահանգների շատ քաղաքներում օդը համարվում է «մաքուր»՝ մեկ կամ մի քանի ցուցանիշներով պայմանավորված, սակայն այդ քաղաքներից միայն հինգն են գնահատվել «մաքուր»՝ ըստ կախված մասնիկների և օզոնի աղտոտվածության բոլոր չափումների:
Օդի աղտոտվածության մակարդակը վերահսկելու համար մեծ ջանքեր են պետք. տարբեր մակարդակների քաղաքականության վարում՝ նվազեցնելու աղտոտիչների արտանետումները, ավելի խիստ կանոնակարգերի և չափորոշիչների ընդունում՝ ուղղված կլիմայի փոփոխություններին առնչվող խնդիրների կարգավորմանը:
